Badator San Sebastian Gastronomika

Urriaren 2tik 5era, San Sebastian Gastronomika kongresuko edizio berri bat ospatuko da Donostian, eta gu bertan izango gara kolaboratzaile moduan. Aurtengoan, herrialde gonbidatua Erresuma Batua izango da, United Kulinary, mugarik gabeko gastronomia lelopean. 

2022ko edizio honetan, gure presentzia bi mailatakoa izango da. Alde batetik, azokan edo 'Market' sailean izango gara, gure stand propioarekin (19.standa). Bertan bisitariek gure azken berritasunak ikusi ahal izango dituzte. Horien artean, azpimarratzekoak dira goi mailako ezaugarriak dituzten Compact sortako barazkiak ebakitzeko makinak eta kutter-emulsionatzaileak. Hain zuzen ere, programagarriak dira makina horiek, eta operadorearen esku-hartze minimoarekin lortu ahal dira emaitza ezin hobeak. 

Gainera, pasa den urtean bezala, gure 4.0. partnerra den Janby Digital Kitchenekin partekatuko dugu stana, sukalde barruko prozesuak digitalitzatzeko aukera onena. Sammic-en SmartVide sous-vide egosteko makinez lagunduta, Janby Track-ek sous-vide prozesua digitalizatzen du, sukaldeko lana nabarmen murriztuz.

Bestalde, eta hain zuzen ere Janby Digital Kitchen-ekin elkarlanean, "Negozio eredu berriak. Sukaldaritza prozesuetan digitalizazioa eta estandarizazioa" mahai-ingurua antolatuko dugu. Urriaren 4ean, asteartea, 16:00etan izango den mahai-inguruan Enrique Fleischmann Sammic-eko sukaldari korporatibo eta FGGko zuzendariak, Nuño Urrea ostalarientzako aholkulari eta prestatzaileak eta Ibon Leunda Gastroteka Arrasateko zuzendariak hartuko dute parte. Hala, esperientzia profesional desberdinak dituzten sektoreko hiru profesionalek beraien ikuspuntua emango dute sukaldeetako digitalizazioaren, egungo sukaldeetako erronkaken eta teknologia berrien aukeren inguruan. 

Azokan bisitatu nahi bagaituzu, esteka honetan eskura ezakezu doan bisitari-abonamendua.

Bertan ikusiko zaitugu!