Albisteak Sammic | Errezeta
Errezeta: Albondigak saltsan
Fleischmann's Cooking Group-ek sortutako saltsako albondiga hauek klasiko bat dira. Jarraitu errezeta eta lortu nahasketa homogeneoa eta mamitsua.
Errezeta honetan, albondigen orea kutter-emultsionatzailearekin nola prestatu ikasiko duzu, tamaina bereko zatiak egin eta frijitu, ondoren saltsarekin zerbitzatzeko.
Osagaiak:
- 500 g txahal-haragi
- 250 g txerri-haragi
- 40 g baratxuri zuritu
- 60 g perrexil fresko
- 15 g piperbeltz zuri
- 12 g gatz
- 50 g arrautza
- 3 g intxaur muskatu
- 120 g irin
- 100 g tipulin txikitu
- 80 g bezperako ogi
- 100 g esne
- 700 g saltsa
Prestaketa:
1. Beratu bezperako ogia 100 g esnetan.
2. Jarri kutter-emultsionatzailearen ontzian txahal-haragia, txerri-haragia, baratxuria, perrexila, piperbeltz zuria, gatza, intxaur muskatua eta tipulina. Prozesatu minutu batez 9. abiaduran, osagai guztiak ondo nahastu arte.
3. Gehitu arrautza, irina eta aurrez esnetan beratutako ogia. Prozesatu berriro minutu batez 9. abiaduran, albondigak egiteko nahi duzun testura lortu arte.
4. Banatu orea 50 g-ko zatitan.
5. Frijitu albondigak barrutik ondo eginda eta kanpotik gorrituta geratu arte.
6. Zerbitzatu albondigak bero, saltsarekin batera.
