Albisteak
International Meeting 2025, etorkizuna marrazten
Pasa den asteartean eta asteazkenean, apirilaren 8an eta 9an, bi urtetik behin egiten dugun International Meeting 2025 topaketa ospatu dugu Sammicen. Topaketa honi esker aukera izan dugu gelditu, hausnartu eta elkarrekin aurrera egiteko.
Bi egunetan, Sammicek Mexikon, Estatu Batuetan, Italian, Portugalen, Frantzian, Erresuma Batuan, Singapurren, Tailandian eta Vietnamen dituen egoitzetako komertzial guztiak Sammic zentraleko pertsonekin elkartu gara espazio komun bat partekatzeko, horrela harremanak indartzeko eta ikuspegi berriak aztertzeko.
Lehen egunean, Azpeitian kokatutako Basazabal Jauregi historikoan elkartu ginen, etorkizunaz, orainaz eta iraganaz hitz egiteko. Ezagutzak partekatu eta gure irtenbideen berrikuntzak aztertu genituen janari prestakuntzan, ontzi-garbiketan eta sous-vide gaietan, eta estrategiak eta marketina aztertzen jarraitu genuen. Gainera, Azpeitiko Basazabal elkarte gastronomikoan bazkari goxo bat dastatzeko aukera izan genuen, eta bertan “Txotx!” egin genuen. Eguna amaitzeko Donostiako Itxaropena 1910 jatetxean afaldu genuen, bertako gastronomia hartuz gure solasaldien ardatz.
Hurrengo egunean, Sammic-eko instalazioetan elkartu ginen zuzendaritza-taldearekin etorkizuneko estrategiak marrazteko eta eraikitzen ari diren instalazio berriak ezagutzeko. Fleischmann’s Cooking Group-en eskutik, bazkari goxo bat dastatu ostean, Loioako Basilika ikusgarria bisitatu genuen, inguruan dugun kultura aberatsarekin konektatuz. Ondoren, Getariara joan ginen eta Txomin Etxaniz upategia ezagutu genuen, txakolinaren tradizioa ikasi eta bere barietateak dastatuz. Eguna amaitzeko, giro oso atseginean, Enrique Fleischmann-en Txoko Getarian afari goiztiar bat izan genuen, gure harremanak sendotzeko aukera aprobetxatuz.
Bi egunetan, iragana, oraina eta etorkizuna izan ditugu hizpide. Zer izan garen, zer garen eta zer izan nahi dugun ikusi dugu. Ezagutzak eta esperientziak partekatu ditugu, gure irtenbideak aztertu eta ideiak probatu ditugu. Kontrastez betetako egunak izan dira, izan ere, kontrastea beharrezkoa da hazten jarraitzeko: tradizioa eta teknologia, historia eta estrategia, lurra eta itsasoa, hitza eta zaporea.
Ezagutzea, partekatzea, hitz egitea, esperimentatzea, gozatzera, dastatzea. Eta askoz gehiago. Horrela izan da Sammic-en inoizko International Meeting nazioartekoena:
Eskerrik asko topaketan parte hartu duzuen guztioi, izan ere, bakoitzaren ekarpena ezinbestekoa da #AukeraZuzena izaten jarraitzeko.
Ikusi argazki-albuma hemen