Albisteak Sammic | Errezeta
Patata frijituak laguntzeko hiru saltsa
Patata frijituak hiru eratan nola prestatu erakutsi ondoren, oraingoan Fleischmann's Cooking Group taldeak patatak laguntzeko hiru saltsa desberdin proposatzen dizkizu: tipulin-maionesa krematsu eta usaintsua, ozpinetako osagaiak dituen saltsa tartariarra eta ukitu pikanteko saltsa brava.
Hiru prestaketa erraz hauetan XM irabiagailua erabiltzen dugu saltsa bakoitzak behar duen testura lortzeko.
Tipulin-maionesa
Osagaiak
- 55 g arrautza
- 2 g gatz
- 10 g sagar-ozpin
- 100 g zapore leuneko oliba-olio
- 100 g tipulin-olio
Prestaketa
1. Jarri arrautza pitxer batean. Gehitu sagar-ozpina eta gatza.
2. Nahastu XM irabiagailuarekin abiadura ertainean.
3. Gehitu pixkanaka zapore leuneko oliba-olioa eta tipulin-olioa, hari mehean, XM irabiagailuarekin nahasteari utzi gabe.
4. Jarraitu nahasten maionesa homogeneo eta ondo emultsionatua lortu arte.
5. Gorde zerbitzatzeko unera arte.
Aprobetxatu XM irabiagailuaren abiadura aldakorra emultsioa kontrolatzeko eta maionesari nahi duzun puntua emateko.
Saltsa tartariarra
Osagaiak
- 50 g txalota
- 12 g Dijongo ziape
- 55 g arrautza egosi
- 200 g maionesa
- 25 g pepinillo
- 30 g kapar
- 15 g perrexil
Prestaketa
1. Jarri pitxer batean txalota, Dijongo ziapea, arrautza egosia, maionesa, pepinilloak, kaparrak eta perrexila.
2. Birrindu osagai guztiak XM irabiagailuarekin, nahasketa homogeneoa lortu arte.
3. Gorde zerbitzatzeko unera arte.
Saltsa brava
Osagaiak
- 320 g tomate zuritu
- 110 g tipula zuritu
- 10 g berriz hidratatutako chile de árbol
- 6 g piperrauts gozo
- 250 g oilasko-salda
- 12 g ardo-ozpin
- 7 g azukre
- 40 g oliba-olio
- 15 g gatz
- 8 g piperbeltz
Prestaketa
1. Berotu oliba-olioa eltze batean. Erregosi tipula samur geratu arte.
2. Gehitu ardo-ozpina eta tomate zuritua.
3. Gehitu chile de arbol-a, piperrauts gozoa, oilasko-salda, azukrea, gatza eta piperbeltza. Egosi dena batera 30 minutuz.
4. Dastatu saltsa eta, behar izanez gero, zuzendu zaporea.
5. Pasatu prestaketa pitxer batera. Birrindu XM irabiagailuarekin testura fin, leun eta zetatsua lortu arte.
6. Gorde zerbitzatzeko unera arte.
Altzairu tenplatuzko Y-BLADE xaflak saltsa brava fin eta zetatsua lortzen laguntzen du.
Hiru saltsa, hainbat konbinazio
Tipulin-maionesa, saltsa tartariarra eta saltsa brava hiru aukera dira errezeta honetako patata frijituak laguntzeko. Probatu hiru mozketekin —makilatxoak, xerrak eta lasto-patatak— eta aurkitu gehien gustatzen zaizun konbinazioa.
