Albisteak
MO-1817S mikrouhin-labea: emaitza estandarizatu eta homogeneoak Scan & Go sistemari esker
Sammicen badakigu estandarizazioa eta errepikakortasuna funtsezkoak direla sukaldaritza profesionalean. Horregatik, sukaldeko prozesuak errazteko eta sinplifikatzeko irtenbideak garatzen ditugu. Apustu horren barruan, MO-1817S mikrouhin-labe profesionala eskaintzen dugu, Scan & Go teknologiaz hornitua, produktuak modu estandarizatuan eta errore-marjinarik gabe berotu edo birsortzeko aukera ematen duena. 1800 W-eko potentziarekin eta 17 litroko oinarri zeramiko finkoarekin, barra-kodeen eskaner bat du, erabiltzaileak aurrez definitutako egoste-programa berehala hasteko aukera ematen duena. Aski da produktua eskaneatzea: mikrouhin-labeak kodea ezagutu, dagokion programa kargatu eta automatikoki sukaldatzen du.
Non da bereziki erabilgarria MO-1817S mikrouhin-labea?
Scan & Go funtsezkoa da denbora, errepikakortasuna eta erabilerraztasuna ezinbestekoak diren inguruneetan. Honako hauetan da ezin hobea:
- Vending-gunea duten gasolindegi edota antzeko establezimentuetan, non erabiltzaileak makina banatzaile batean erositako produktua eskaneatzen duen eta mikrouhin-labea arduratzen den gainerakoaz, errore-marjinarik gabe.
- Ospitaleak, bulegoak, unibertsitateak, aireportuak eta autozerbitzua duten beste espazio batzuk, non prestatutako janaria zehaztasunez eta oso modu sinplean berotu behar den.
- Zerbitzatzeko prest dauden elaborazioak dituzten tabernak eta kafetegiak, hala nola pintxoak edo tapak, nork prestatzen duenaren araberakoa izan gabe emaitza homogeneoa bilatzen dutenak
Azken batean, langileak etengabe aldatzen diren, denbora gutxi dagoen edo prestakuntza berezirik ez dagoen lekuetan, emaitza profesional konstantea bermatzea da helburua
Nola funtzionatzen du?
Produktu bakoitza barra-kode batekin lotzen da. Eskaneatzean, mikrouhin labea gordetako (USB edo QR bidez) egosketa-programara sartzen da eta, atea itxi edo START sakatze hutsarekin (konfigurazioaren arabera), egosketa automatikoki hasten da. Hala, beroketa uniformea, errepikagarria eta kontrolatua bermatzen da, segurtasun operatiboarekin, denbora aurreztuz eta akatsak murriztuz.
Gainera, eskanerrik gabe lan egin nahi izanez gero, eskuz egosteaz gain, mikrouhin-labeak paneleko zenbaki-teklei zuzenean egoste-programak esleitzeko aukera ematen du, 0tik 9ra, azkar eta erraz exekutatzeko.
Konfiantzazko eta erraz txerta daitekeen irtenbidea bilatzen ari bazara, eta zure eguneroko jardunean nola integra daitekeen jakin nahi baduzu, jar zaitez gurekin harremanetan. Pozik lagunduko dizugu.
