Okintzako eta gozogintzako lantegia
Obratzaileentzako ekipamendu hobezina
Zurea gozogintza bada edo egunero ogia oratu behar baduzu, gozotegi bat baduzu edo horretan hastekoa bazara, gosariak ematen badituzu, opilgintza zure mundua bada..., Sammic-en zugan pentsatu dugu, eta zure lanean bidelagun gaituzu.
Gozoa zein gazia, utzi gure esku
Okindegietarako eta gozotegietarako ekipamendu profesionala
Okindegietarako eta gozotegietarako ekipamendu profesionala dugu; besteak beste, oragailuak eta irabiagailu industrialak, eta garbitu behar duzun edozein tresnarentzat behar adina leku duten makina espezializatuak.
Harritu zure bezeroak
Txokolate-pastelak, gazta-tartak, koloretako makarroiak, etxeko tarta, pasteltxoak..., usainez eta kolorez gainezka egingo du zure lokalak! Behar bakoitzerako ekipamendua dugu. Utzi zure irudimenari hegan egiten, eta guk lagunduko dizugu forma ematen. Harritu zure bezeroak!
Ogia: oinarrizko elikagai hori
Bezero bakoitza mundu bat da, eta bakoitzak bere lehentasunak ditu: ogi zuria, osoko ogia, zekale-ogia, olo-ogia, gatzik gabeko ogia, arto-ogia, txapata-ogia, pistola-ogia, baserriko ogia, baguette ogia, moldeko ogia…, baina, zuk behar horiek guztiak ase ditzakezu, eta Sammic-en zure lana erraztu nahi dizugu. Ezagutu gure makinak, harrituta geldituko zara.
Pizza, oztopoak hausten
Uste denez, pizza da planetako elikagairik kontsumituena, hanburgesaren aurretik. Kultura gastronomiko guztietan bere lekua egin du, eta zaletuak ditu munduko edozein tokitan. Milaka pizza mota aurki ditzakegu, baina guztiek gako bakarra dute: masa. Egin ezazu zure masa berezia eta bakarra; gure makinekin lortuko duzu.
Okindegietarako eta gozotegietarako aukeratu dizkizugun makinak
Kako kiribileko oragailuak
Ore gogorrak egiteko bereziak
Irabiagailu planetarioak
Irabiatzeko, nahasteko zein orea egiteko Irabiagailu-oratzaile industrialak
Birringailu - irabiagailu profesionalak
Birringailu - irabiagailu industrial eramangarriak
Pizza-masaren prestatzailea
Orea zabaltzeko makina
Tresna eta ontzi-garbigailuak
Eltzeak, lapikoak, kazolak eta abar garbitzeko ontzi-garbigailu industrialak
Sammic, kalitate bermea
Gure ekipoak fabrikatzeko urrats guztiak kontrolatzen ditugu, hasi diseinutik eta merkaturatzeraino. Gainera, chef korporatiboaren zerbitzua daukagu: sukaldean aditua den talde batek produktuak garatzeko gure taldeekin lankidetzan dihardu. Horrela, proposatzen ditugun soluzioak erabiltzaileen beharretara egokitzen direla bermatzen dugu.
Elikagaiak prestatzeko ekipo ugari NSFk homologatu ditu, eta horrek segurtasun- eta higiene-estandar zorrotzenekin bat datorrela ziurtatzen du.